Könüllərin gülü
HƏZRƏTİ MƏHƏMMƏD

Sən bizə rəhbər və müəllim oldun. Sənin məktəbində həqiqi insanlığı öyrəndik, gizli dünyanı və axirət səadətinin müəmmasını anlaya bildik. Bəli, Sən olmasaydın, fələk səmada dövr etməyəcək və Sən dadımıza çatmasaydın, həyatın işığı sönəcək, dünya da gedib boş başını qiyamətə çırpacaqdı... Sən vəladətdən qəbir qapısına qədər uzanan yolda həyatı öyrədən, yemə, içmə, sevinc və kədəri, xülasə, həyata dair hər nə varsa, öyrədən yeganə Mürşidsən... Məcmuədə mümtaz ziyalı alim və mütəfəkkirlərin qələmindən süzülən peyğəmbəranə mərhəmət, müsamihə (günahlara, səhvlərə, qüsurlara göz yummaq, bağışlamaq, güzəştə getmək), sülh və şəfqəti önə çəkən möhtəviyyatı seçdik. Mərhəməti Sonsuz olan Allahdan ümid edirik ki, Sevgili Peyğəmbərimizin (s.ə.s.) adı Günəşin doğub-batdığı hər yerə çatacaq, dillər Ona göndərilən salavatlarla məst olacaq, bəşəriyyət Ona olan ehtiyacının fərqinə varacaq və Onu  necədirsə, elə də tanıyacaq! Bəzən insanlarda mənfiliklər görəndə üzülür, sıxıntı keçiririk.Hətta “Ax, insanlar”deyib üz döndəririk onlardan, dünyadan... küskünləşirik.Amma haqlı deyilik. Çünki  onlar bütün ömrünü  insanlıq yolunda şam kimi əridən, insanlığa yeni dünya bağışlayan Allah Rəsulundan xəbərsizdirlər.  Onlar Allah Rəsulunu bilsə idilər....Onlar Onun həyatını oxusa, yaşasa idilər, duysa idilər...