İSLAMDA DİALOQ VƏ TOLERANTLIQ

İslamın terrorizmlə eyniləşdirildiyi, təhrif olunmuş şəkildə insanlara təqdim edildiyi,insanlarda İslama fobiyanın formalaşdırıldığı bir dövrdə İslamın əsl mahiyyətini cəmiyyətə çatdırmağa hava-su kimi ehtiyac var. Bu qloballaşan dünyanı insanlararası münasibətləri ən mükəmməl şəkildə tənzimləyən İslamsız düşünmək qeyri-mümkündür.
-  Kitab əhli kimə deyilir? Yəhudilər və Xristianlar kitab əhlidirmi?
-  Kitab əhli ilə dialoq qurmağı əmr edən ayələr varmı?
-   “Yəhudi və xristianlarla dost olmayın” və “Nə yəhudilər, nə də xristianlar, Sən onların dinlərinə tabe olmadıqca, əsla Səndən razı olmazlar” və buna bənzər məaldakı ayələr necə başa düşülməlidir?
-  Qurani-Kərimə görə, qeyri-müsəlmanlarla münasibətlərdə döyüş əsasdır, yoxsa sülh?
-  “Cihad” və “Dialoq” bir-birinə zidd anlayışlar deyilmi?
-  Allah Rəsulunun (s.ə.s.) kitab əhli ilə sosial və ya ticari əlaqələri vardırmı?
-   Hz. Muhammədin (s.ə.s.): “Mən “Lə iləhə illəllah” deyənədək,  Mənə və Mənim gətirdiklərimə iman edənədək insanlarla döyüşməklə əmr olundum. Kim bunu deyərsə, Məndən qanını və malını qorumuş olar. Bunun xaricindəki hesab Allaha aiddir” hədisi küfrün döyüş səbəbi olacağına dəlildirmi?
-  Tarix boyunca müsəlmanlar digərlərini müsəlman olmağa heç məcbur etmişlərmi?
-  Tolerantlıq və dialoq yeni bir layihədirmi?
Daha əvvəl də belə fəaliyyətlər var idimi?
-  Bu günə qədər həyata keçirilən dinlərarası  dialoq fəaliyyətlərinin İslamiyyət üçün konkret faydaları varmı?
Suallardan göründüyü kimi, bu kitab  müasir dünyamızın aktual mövzularına həsr olunmuşdur. Kitabda günlərlə, bəlkə də, illərlə zehninizi məşğul edən, hər kəsin fərqli şərhlər verdiyi, qaneedici cavablar tapmaqda çətinlik çəkdiyiniz  məsələlərə, problemlərə məntiqli, əsaslı izahlar  verilmişdir.
Kitab geniş oxucu kütləsi üçün nəzərdə tutulur.