KÖNÜL TAXTIMIZIN BƏNZƏRSİZ SULTANI
PEYĞƏMBƏRİMİZ
sallallahu əleyhi və səlləm

 Bu gün Onu nə qədər biliriksə, o qədər sürurlu, nə qədər yaxından tanıyırıqsa, o dərəcədə mənən rahat və yenə Onun həyatına nə qədər bələdiksə, o dərəcədə də xoşbəxtik! Başqa sözlə, bizlər Ona hiss etdiyimiz ehtiyac qədər başqalarına möhtac olmaqdan uzağıq, Onun əngin dünyasına laqeyd olub oradan uzaqlaşdığımız qədər də başqalarının qapısında şəxsiyyət və qüruru çeynənən dilənçi olmağa məhkumuq! Bu da bir həqiqətdir ki, əshabı ilə birlikdə Onun (s.ə.s.) bugünkü dünyamıza çatdırılmasında hələ görüləsi çox iş var. Çünki əldə edilən hər bir məlumat yeni bilgilərin qazanılmasına vəsilə olur və bu məlumatlar da dünyaya rəng verən bəyanların hər kəsə çatdırılması üçün yeni-yeni imkanlar mənasına gəlir. Belə ki, Onun (s.ə.s.) həyatına açılan hər bir qapı minlərlə açılmalı qapının müjdəçisidir... Bu kitab siyər ənənəsinə sədaqətlə, sətir aralarında qalmış və gələcəyimizi istiqamətləndirən incəlikləri bu günə əks etdirərək Allah Rəsulunun (s.ə.s.) nümunəvi həyatından bəhs edən, bəhs edərkən insanı əsrlərlə əvvələ – Peyğəmbər dünyasına aparan və ya o dünyanı yaşadığımız əsrlə bütünləşdirən yeni və özünəxas üslubda yazılmış bir əsərdir. Dil baxımından sadə, üslub baxımından axıcı və hadisələri təqdim etmə yönü ilə də işin əslinə sadiq qalmaqla qələmə alınan duyğu yüklü bu əsərlə Peyğəmbərimizlə (s.ə.s.) aramızdakı məsafələrin az da olsa aradan qalxacağını düşünür, insanların səadətinə həsr edilən bu həyatı oxumaqla öhdəmizə düşən vəzifələrə daha möhkəm sarılacağımızı ümid edirik.