HİKMƏT DƏNİZİ

Nizami, Nəsimi, Füzuli,  Mövlana, Yunus Əmrə , Nəcib Fazil, Mehmet Akif kimi söz ustadları sözə sonsuz mənalar  yükləmiş, onu cilalamış, üfüqünü genişləndirmişlər. Onların həyatı sözləri qədər cilalı və pak,  əməlləri əsərləri qədər dəyərlidir. Bir insan  o vaxt fəzilət sahibi olar ki, özünə böyük şəxsiyyətləri müəllim  seçmiş olsun. Böyük şəxsiyyətlərin həyatından bəhs edən mənqibələr (ibrətamiz rəvayətlər), hekayələr mədəniyyətimizdə əhəmiyyətli yerə malikdir. Bu kitabdakı rəvayətlər müxtəlif qaynaqlardan toplanmış, onlardan çıxarılacaq nəticələrə də bir qədər işarə olunmuşdur. Hamısı gerçək hadisələrə söykənirmi? Əslində hekayədə  tarixi dəqiqlik axtarılmaz. Mənqibədə axtarılan görünüş, tarixilik deyil, məğzdir, mahiyyətdir, hikmətdir...
Kitab geniş oxucu kütləsi üçün nəzərdə tutulur.